Ich bi 6i und go d'Seedorf i Chindergarte. Jedä Morgä fari mit em Büssli vo Wiler noch Seedorf, und äm Mittag wider hei, usser em Donschtig, denn am Nomitag.
Wohne tuen i ds Wiler imene Huus. Min Brüeder Christian und ich händ zämä es Zimmer.
Mir händ vil Lego: Duplo und chlini. Isebahnä wo Schtrom dezuä händ. Ich tue schön äleigä schpilä.
Gäg Ende Johr tüemer zügle i Lärchäbärg wo si üses nöiä Huus tüe boue. Deet het de jedä es eignigs Zimmer.
Ich ha zwöi Gschwöschterti, ä Schwöschter und ä Brüedär. Ich bi de chlinscht, aber im Chindergarte bin i ned de chlinscht, öppe de mittelchlinscht.
Ich tuä gärn baschtle, abär ich tuä gärn wenig.
Vorhär isch d'Florence mini Fründin gsi, jetz isch es d'Mayra, aber i ha si immer no gärn.
[zurück zur Start-Seite von family-leu.ch]
Letzte Änderung: 19. Februar 2003